Tudert n Σebd Al Ëamid Ben Badis

Isem-is d laûel-is :

Isem-isn Σebd Al Ëamid Ben Muêammed Al musîafa Ben Al Makki Ben Muêammad Kaêul Ben Ali, jedd-is amezwaru d « Mennad Ben Menquc » aqerru n tezmalt n  « telkana » (ne$ Tulukkata ne$ telkat), d tin d-yu$en a²²éar seg tezmalt n iûenhaoen yellan ger tezmalin yettwasnen aîas di Lezzayer d lme$reb ineslem s umata.

Tawacult-is d tin yettwassnen s yisse$ d sεaya d tmusni, frurin-d deg-s aîas n wudmawen n umezruy yettwasnen seg-sen : Al muεiz li din Allah ben Badis, anabav yettwasnen aîas deg uwanuk aûenhaoi yettwasnen s yisem n « Beni Ziri », $ef yisem n ugeldun « Belkin Ben Ziri Ben Mennad Aûenhaoi ».

Akken d-frurin seg-s waîas n imusnawen, yenna-d Ibn Xeldun belli uger n 40 imusnawen si twacult n Ben Badis i yedduklen deg yiwet n tallit deg uselmed d lfetwa d wayen nniven, akken yella usezref di Qsenîina d lxedma n imunawen n twacult-agi, ger imsezraf yettwasnen « Abu Al Σebbas Ëmida Ben Badis » d jedd-is s babas « Al Mekki Ben Badis ».

Babas d Muêammad Al musîafa Ibnu Badis yeqdec di tfellaêt d tanzut, yesεa leqder meqren yella d aεeggal n useqqamu unnig azzayri, d amcaweô n tedint n Qsenîina, tefka-yas Fôansa cciεa n leqder.

Deg useggas n 1945 d netta i yeselken imezda$ n Wad Zennati ur ten-sengren ara iôumyen deffir n tedyanin n 08 Mayu 1945.     

Yemma-s d Zhiôa Bent Σli , si twacult n Beni Oellul yettwasnen s tusna  d yisse$ d sεaya di temdint n Qsenîina n tezmalt n « Bni Meεεaf » yettwasnen deg idurar n Wewôas.

Talalit-is :

Ilul-d ccix Σebd Al Ëamid Ben Badis ass n laôebεa 11 di Öabiε Atani 1307 h, yeddan d 04 duoe mbeô 1889  n tlalit di temdint n Qsenîina, d netta i d amenzu n imawlan-is.

Ttrebga d uselmed-is :

Yekker-d ccix Σebd Al Ëamid Ben Badis deg uxxam yeîfen di ddin d côeε n Öebbi, yefkan azal i ttôebga n tarwa-nsen ttrebga tineslemt  d wensayen n tnaûlit $ef aya yefka-t baba-s  asmi yesεa 05 n iseggasen $er ccix « Muêammad Ben  Al meddasi » d amusnaw ameqran  n t$uriwin n leqran di Qsenîina, yelmed Leqran d t$uri-s asmi yesεa 13 n iseggasen, asmi d-tban fell-as tiêerci d ttrebga yelhan iqedm-it ad iéal ttaôwiê s medden tlata n iseggasen wa deffir wa di   « loamiε Al kabir ». Aseggas 1903 yeba ilemmed tussna n tutlayt taεrabt d tcerεit  di tmezgida n  « Sidi Mêemmed Annaoaô » $er ccix ameqran «  ccix Ëemdan Al wennisi » yellan ger imezwura i yeooan lateô yelhan di tudert n Ibnu Badis.

Deg useggas n 1908 yunag $er Tunes akken ad ikemmel almud-is, ad isnerni tamusni-s di tmezgida n Zaytuna, anda ye$ra $er waîîas n imusnawen yettwasenen am « Muêammad Anaxli al qayrawani », « Muêammad Aîîahar Ben Σacuô », « Muêammad Al xavr Ben Al êusin », «  Muêammad Aûûadaq Annifer » d ccix «  Al Bacir Üafar »…, deg useggas n 1911 yewwi-d agerdas « attaîwiε tagera$lant » seld tlata n isegasen n leqdic d t$uri iêersen, yuzga-d d amerwaru ger meôôa inelmaden d-yef$en imir-en ; ala netta i yellan d azzayri i d-yef$en si « Zzaytuna » aseggas-nni.

yes$ar aseggas di Tunes seld mi yekfa almud-is, akken llan xedmen meôôa wid –d-ittf$en imir-en.

Inig-is $er tmurt n Al êioaz

Asmi d-yu$al ccix Ben Badis si Tunes, yella yiswi-s amezu d aselmed di tmurt-is « Qsenîina », srid yebda yettak timsirin seg udlis « Accifa-e » n umusnaw  « al qavi Σayav » di loameε Al kabir,  maca  « lmefti » n Qsenîina ibeggeε-it $er iôumyen d$a sêebsen leqdic-is, d$a yegmen ad d-iêuo aseggas n 1913.

Mi d-yekfa lêio-is  iôuê $er Lmadin al munawaôa anda yufa ccix-is Ëemdan Lwinisi yeqqim din tlata n wagguren, dinna i yessen ccix Lbacir Al Ibôahimi, yesεedda yid-s uvan ttnadin allen s wacu ara ssalin Lezzayer.

Akken s-d-tûuê tegnitt yemlal d waîas n imusnawen ger-asen : «ccix Ëusin Aêmad al fayv Abadi Al hindi »,  d$a yefka-d tamsirt di « Al êaram annabawi » zdat  n imusnawen-agi d waîas n medden dinna.

Di tallit-ag yufa-d ibnu Badis iman-is ger sin iberdan ; ma ad ya$ awal i ccix-is « Al wennisi » i yeb$an ad yeqqim yides i lebda di Lmadina Al munawaôa, ad yettu meôôa ayen t-icudden d tmurt-is ne$ ad yeîîef ôôay n ccix Lêusin Aêmad Al hindi i s-yennan belli ilaq ad yu$al $er tmurt-is akken ad yeqdec $ef ddin-is d tutlayt-is, yu$al yesteqnaε s ôôay wis ssin d$a yu$al-d $er tùmurt-is.

Deg ubrid n tu$alin iεedda-d $ef Maûar, irza $er «  al Oamiε Al azhaô » di lqahiôa, iwala amek iteddu uselmed dinna, sin akin yerza $er Lmufti n Maûar ccix Muêammad Buxit Al muîiεi »  deg wexxam-is di Ëalwan netta d umeddakel-is « Ismaεil oa$ar » d ccix di Al Azhar. Timlilit n ccix Ben Badis d Lmuti n Maûar tegla-yas-d s yiwet n « lioaza » seld mi s-yefka izen s-yura ccix Al wennisi.

Leqdic-is deg useqεed (abeddel n liêala n tmurt $er wayen yelhan)

- Ttrebga d uselmed :

Yefka Ibnu Badis azal meqren  i ttrebga d uselmed di leqdic-is ilmend n useggem n liêala n tmurt, imi d ttrebga i d lsas n lebni d useqεed, $ef aya yefka-yas meôôa lweqt-is  d loehd-is, yebda aselmed-is di Loamaε Al Axvar aseggas n 1914, yes$ar inelùmaden deg uzal, yexdem ahil i yal aswir, ma d timeddiyen yettak-timsirin n ufesser n Leqran d usegzi n lêadit n Nnbi seg udlis « al muwaîîa », rnu $er waya timsirin n uwelleh i yemdanen, akken yettak timsiri i igerdan yeqqaren Leqran, sin akin yessewseε leqdic-is s temsirin nniven di tmezgida « Sidi Gemmuc » d tmezgida «  Sidi Σedb Lmumen », ma deg ussan n westaεfu irezzu $er temnavin nniven n tmurt.

Asmi εeddan kra n iseggasen $ef uselmed-is di leowameε, walan kra n wid t-iqerben  ad sbedden yiwen n useqqamu n uselmed amenzu s tutlayt taεrabt deg useggas n 1926, aseggas n 1930 teffe$-d seg-s « tidukla n ttrebga d uselmed ineslem. yessawel i meôôa izzayriyen akken ad sbedden ifurka-s di temnavin nniven n Lezzayer.

Seg wazal yefka i inelmaden-is, yesbed yiwen n useqqamu yettεasan fell-asen d tikli-nsen, d tallelt-nsen s tedrimt  iêwaoen, akken iceggeε wid d-yufraren seg-sen  izemren ad kemlen leqraya-nsen $er « Oamiε Azzaytuna »  di Tunes.

Yessawel $er uselmed n tmeîîut, yefka-yas azal meqren imi yella ixeddem-asen timsirent n uwelleh di loamiε al axvaô, akken ixeddem timsirin i tullas deg u$erbaz  n tidukla n ttrebga d uselmed ineslem mebla idrimen, iga-asent abrid akken ad kemlent almud-nsent di tsennawit d ulemmud unnig di tmura n (Lmacriq).

Yessawel i wid iqedcen deg weêric n ttrebga d uselmed $er yiwen n useqqamu aseggas n 1937 i  useqεed n wahilen n ttrebga d uselmed di « Nadi attaraqi » akken ad mbeddalen tikta d wamek ara yeddu uselmed n taεrabt ilelli deg i$erbazen d leowameε. Akken ittekka deg useggem n uselmed di Oamiε azzaytuna imi yuzen tikta-s d wayen yettxemmim $ef ttrebga d uselmed  i tesqamut yettukelfen s wayenni i d-yesbed unabbav n Tunes aseggas n 1931

- Ta$amsa :

Iwala ccix Ben Badis belli abeddel n liêala n tmurt ur d-yettili ar kan s ttôebga d uselmed, $ef aya yekcem annar n t$amsa yeslal-ed a$mis « al muntaqid » aseggas 1925, yu$ lêaml yella yettaru imagraden deg we$mis « Annaoaê » s yisem « Alqasanîini » ne$ « Al Σabsi ».

Maca a$mis « Al muntaqid » ur yeddir ara aîas acekku illa yettmeslay-d $ef tillawt s teqseê,  $ef waya yettuseêbes deg uîun wis 18 yines, ixlef-it-id we$mis « Accihab » d-yettef$en yal dduôt 4 n iseggasen wa deffir wa, sin akin yu$al d tas$unt tettef$-ed yal aggur di Furar 1929, akken ad yevmen tiddin igerzen n leqdic-is di t$amsa yeldi axxam n usizreg isemma-yas « Axxam n tezregt ineslem azzayri » deg-s i d-yessufe$ i$misen-is d 4 n ye$misen n « tidukla n imusnawen inselmen izzayriyen » wigi : « assunna Al muêammadiya », « Accariεa », « Assiôaî » d « Al baûa-ir »

- Leqdic-is di tsertit :

Ïuqten iberdan n ccix Ben Badis i ubeddel n teswiεt $ef Lezzayer, tasertit d yiwen seg iberdan-agi, yefka-d aîas s leôyuy-is d tikta-s deg wayen yeεnan timsal timeqranin n lumma tineslemt i wumi yefka meôôa tudert-s.

Ger leôyuy-is isertiyen :

- Deg useggas 1931 yura « Tigejda n usenbev di Lislam »

- Yesεa afus deg usexsi n tmes d-yekren ger yinselmen d wudayen. 

- Yessawel $er weswir ineslem yerna ittekka deg-s di Yunyu 1936.

- Yedda d terbaεt n usarag $er Baris di yulyu 1937.

- Öôay-is deg wayen tôeggem Faôansa.

- Yemmeslay d tesqamutt n unadi di lbaôlaman n Fransa di yebrir 1937.

- Yessawel i nnuwab akken ur ttekkayen ara deg iseqquma n nuwab di $uct 1937.

- Yessawel i yezzayriyen akken ur ttekkayen ara deg usfugel n umulli wis mya $ef unekcum n Fôansa $er Lezzayer.

- Öôay-is deg wayen yeεnan lqanun n 8 Me$res.

- Ibedd-d mgal tasertit n use$red n izzayriyen ….

- Ibed mgal meôôa wid yettaεraven ad bvun izzayriyen.

- Yefka azal imeôôa timsal n umaval ineslem.

- Yettnadi tilelli n tmurt-is.

Ibn Badis d tidukla n imusnawen inselmen izzayriyen

Seg useggas  n 1913 mi yella di lmadina Al munnawaôa i yesεa ccix Ben Badis tikti n usbeddi n tidukla, issers-s tiôekkizin netta d umeddakel-is ccix Al Ibôahimi, xedmen aîas n temliliyin akken ad heggin i usbeddi-is seg useggas 1920, deg useggas 1924 yessuter si ccix Lbacir Al Ibôahimi akken ad s-yexdem asavuf  amerdu ara iseddun tidukla-agi ara yesduklen ger imusnawen d inelmaden  akken ad sduklen i$allen-nsen s yisem «  n tegmatt n tusna » ad yili wemkan-is di Qsenîina, maca vrant-d tedyanin i yesêebsen asenfaô-agi.

Ikemmel yettaεrav ad yesbed tidukla-agi, ayen iεawnen deg uslali n tidukla-agi tagnitt i s-ihegga imi yenced meôôa imusnawen ad fken ôôayat-nsen amek ara tili tidukla-agi, akken yenced deg useggas 1928 inelmaden d-yu$alen si Tunes d tmura n « Lmacriq »  $er yiwen n useqamu i deg ara gen ahil swacu ara d-slalen tdukla-agi. Di tallit-agi iban-d wesrir  « nadi attaraqi » d ulemmas n yedles i yesεan later akken yella d amviq n temlilit  n imusnawen izzayriyen, yessuter ccix Ben Badis seg wid it-id isbedden akken ad sbedden yiwet n tesqamut aselway-is d « Σumar Ismaεil » akken ad heggin i wesbeddi n tidukla.

Deg useggas 1930 asmi εeddan 100 n iseggasen $ef unekcum n irumyen $er Lezzayer, tlul-d tidukla n imusnawen inselmen izzayriyen deg was n ttlat 05 mayu 1931, usan-d uger n 72 imusnawen si meôôa timnavin n Lezzayer $r nadi attaraqi, yettwafren ccix Ben Badis d aselway-is ma d ccix Al Ibrahimi d win ara t-ixelfen. 

Tamettant-is d yedlisen d-yeooa:

Yessawev ccix Ben Badis leεfu n Öebbi deg wass n ttlata 16 Yebrir 1940 di Qsenîina, tella-d temvelt-is $ef lεaûer n wass wiss sin n tmetant-is, d inelmaden-is i t-yessawven $er uéekka-s, akken êevren uger n 100000 n yemdanen i d-yusan si meôôa tamurt n Lezzayer.

Meôôa izzayriyen êeznen $ef tmettan-is, ger wayen-dyenna ccix Al εarbi Attbessi di temvelt-is : yella ccix Ben Badis di loihad-is d leqdic-is d Lezzayer meôôa, ihi ilaq $ef izzayriyen meôôa ad ilin d Σebd Al êamid Ben Badis. Akken d-yenna fell-as umedyaz Muêammad Al εid Al Xalifa asefru deg unamek-is :

Aya rrezg-ik a yaéekka, ma teêûiv s win d-yerzan $ur-k

Wagi d Ben Badis i n-iteddun $ur-k

D amusnaw ameqran yewwev s tusna-s meôôa timura

 Yessaki-d lezzayer seg yives ivulen  yerra-d tudert i wegdud.

Armi s-yenna :

Ïîes di talwit imi agdud deffir yuki-d yedda  deg ubrid id-neorev

Ur ttagad $ef wayen d-teooiv ur yettviε ara.

Yeooa-d Ben Badis later meqren di tmusni, yefka-d Öebbi wid i ten-id- ijemεen  i ten-id-yessyf$en, ger-asen :

- Tabrat d tiririt $ef yir awal

- Ayen yettêuddun seg wayen yettôuéun.

- Afesser n Ibn Badis (yessufe$-it-id Aêmed Bucemmal aseggas 1948 sin akin yessufe$-id unelmad-is Muêemmed ûaleê Öemvan)